អំពីគ្លីនិករ៉ាក់
គ្លីនិករ៉ាក់ជាមជ្ឈមណ្ឌលដែលល្អបំផុត និងគួរជាទីទុកចិត្តខាងផ្នែកសុខភាពស្រ្តី សុខភាពផ្លូវភេទ និងបន្តពូជ។ គុណភាពសេវាកម្មគ្លីនិកត្រូវបានទទួលស្គាល់ដោយសហព័ន្ធអន្តជាតិផែនការគ្រួសារតាមរយៈការវាយតម្លៃទទួលស្គាល់គុណភាព។ គ្លីនិករ៉ាក់មានឆន្ទៈខ្ពស់ក្នុងការគោរពសិទ្ធិអតិថិជន ផ្តល់ជូនអតិថិជននូវសេវាកម្មប្រកបដោយគុណភាពខ្ពស់ស្របតាមស្តង់ដា និងមានប្រសិទ្ធិពលខ្ពស់។ អតិថិជនភាគច្រើនរបស់គ្លីនិករ៉ាក់ ជាស្រ្តីទូទៅ និង ស្ត្រី វ័យក្មេង។ អតិថិជនបុរសមានប្រហែល ១៥% នៃអតិថិជនសរុប ។ បុរសទាំងនោះមកទទួលការព្យាបាល ឬប្រឹក្សាផ្នែកសុខភាពបន្តពូជ និងជំងឺទូទៅ។ សេវាសំខាន់ៗរបស់គ្លីនិករ៉ាក់មាន៖ ការពិនិត្យនិងព្យាបាលការកររោគក្នុងផ្លូវបន្តពូជ ពន្យារកំណើត ការធ្លាក់ឈាមតាមទ្វារមាស រដូវមិនទៀង ឈឺឬចុកពោះដោយសារជំងឺទាក់ទងនឹងប្រព័ន្ធបន្តពូជ ការថែទាំសុខភាពស្ត្រីមានផ្ទៃពោះ សេវារំលូតដោយសុវត្ថិភាព ជំងឺឆ្លងតាមផ្លូវបន្តពូជ ភាពអារឬពិបាកក្នុងការមានផ្ទៃពោះ ជំងឺរោគស្ត្រីផ្សេងៗទៀត សេវាចាក់ថ្នាំបង្ការ សេវាមន្ទីរពិសោធន៏ ជំងឺទូទៅរបស់បុរសនិងស្រ្តី និង សេវាមេត្រីភាពចំពោះយុវវ័យជាពិសេសចំពោះអ្នកដែលបម្រុងនឹងរៀបការ។ បច្ចុប្បន្នគ្លីនិករ៉ាក់មាន១៥ទីតាំង។ ក្រុងភ្នំពេញមាន៨ទីតាំង និង មាននៅក្នុងទីរួមខេត្តបាត់ដំបង ខេត្តសៀមរាប ខេត្តកំពង់ចាម ខេត្តតាកែវ ខេត្តកំពង់ស្ពឺ ខេត្តកំពត និងក្រុងកំពង់សោម។
គ្លីនិករ៉ាក់បានសហការណ៍ជាមួយ បេឡាជាតិសន្តិសុខសង្គម (បសស) ដើម្បីផ្ដល់សេវាជូនដល់សមាជិក បសស ដោយមិនគិតថ្លៃ។ គ្លីនិករ៉ាក់ផ្តល់ជូនបុគ្គលិកនូវឱកាសដើម្បីឲ្យជំនាញរបស់ពួកគេកាន់តែឈានមុខ និងចូលរួមចំណែកលើកកម្ពស់សុខភាពប្រជាជនឲ្យកាន់តែល្អប្រសើរ ដោយយើងផ្តល់នូវសេវាកម្ម និងព័ត៌មានសុខភាពទៅតាមតម្រូវការគ្រប់អតិថិជន និងដោយការយកចិត្តទុកដាក់។
គ្លីនិករ៉ាក់បើកបម្រើសេវាជូនអតិថិជនជារៀងរាល់ថ្ងៃ ពីថ្ងៃចន្ទ ដល់អាទិត្យ ចាប់ពីម៉ោង ០៨:០០ព្រឹក ដល់ម៉ោង ០៥:០០ល្ងាច។ សូមអញ្ជើញមកកាន់ទីតាំងគ្លីនិករ៉ាក់ទាំង១៥សាខា នៅទីក្រុងភ្នំពេញ និងតាមបណ្តាខេត្តមួយចំនួន ដែលនៅជិតផ្ទះលោកអ្នកជាងគេ។